新闻专栏
3月
12

【装修专栏】教你见招拆招 避免烂尾二度中伏

早前有戶主裝修工程爛尾,爛尾後再找爛尾公司介紹的另一公司接手,點知再次爛尾,要找第三間公司執爛尾工程的爛尾工程。裝修爛尾無人想,但在苦惱之餘,更要小心唔好二度中伏!以下整合了三個常見問題,教大家點面對:



問題1:師傅上黎拆嘢破壞,仲話係維修?
最近消委會新聞,裝修爛尾,師傅上黎拆嘢走人,點搞?有人會話:呢D刑事毀壞可以告佢!係咪真係咁簡單呢?師傅大可以話D物品有瑕疵,需要拎番上廠維修等等。


其實,一旦工程因爭拗被迫終止,戶主就應該第一時間通知管理署和保安,唔好再放師傅上黎。另外仲要換鎖膽,有需要可以加裝埋CCTV。呢D都係保障自己嘅方法。至於師傅留起單位未拎走嘅物品,可以通知拎番。

問題2:不斷有人上門聯絡,要你代判頭找數?

第二個問題就係不斷有人上門追數,傢俬佬、地板佬、浴屏佬、收數佬、同各科裝修師傅,逐一出現話「判頭有數未找」,要戶主代支。咁當然唔好俾啦!但戶主不找數會點呢?

筆者見過有D公司會發小額錢債信俾戶主,戶主第一次收到這類法庭信件通常都會很擔心。當然,由於捲錢逃逸的是判頭,入稟戶主不會成功,但有些戶主因為怕官司纏身而選擇支付部分金額妥協──而事實上,小額錢債的確需要花費很多時間,很多人應訊出席四、五次,都未開始審訊……

另一種更脅迫的方式是收數公司,當中分為正規和不正規。攞正牌收數的公司是講道理的、不會要求戶主支付缺乏道理基礎的費用。當然,如果爭議項目關係到收貨,他們要求戶主按合約找完尾數再追討爭議項目,法律上亦是合理的。至於遇到不正規的收數公司滋擾,就只能報警處理了。

以上兩個情況都不理想,但戶主只要懂得在裝修報價單與裝修公司簽署高效仲裁條款,就可以避免。因為條款訂明,所有爭議如無法排解,均必需提交香港仲裁公會的仲裁司進行最終仲裁(不能採用其他法律途徑)。

問題3:堆積工具唔肯拎走,誓阻你入伙?

最後一個問題是師傅堆積工具唔肯拎走,威脅你「拎走就是盜竊」,並話「D工具值幾萬蚊」等等。其實呢招好易拆,但好多人唔知或唔肯定,怕之後俾人屈偷竊而已。

要解決呢個問題,首先要找出你能找到公司/公司負責人的所有合理渠道,包括手機短訊、電郵、掛號信等。然後,向對方發訊通知「工程已經終止,必須於72小時內預約時間領回工具,否則將視為放棄,並保留追討棄置成本權利」(或類似訊息)。

以上通知只供參考,如果懷疑你的情況是否可以一樣處理,建議報警,由警員教你進行以上操作,並留下警員編號作日後聯絡。

如果真的遇到以上問題又不懂解決,歡迎將問題WhatsApp給裝修學院(5418-8169)。

想了解更多有用防中伏資訊,請瀏覽裝修佬專欄

【裝修爛尾個案直擊】苦主慘失80萬 O字頭設計公司工程放蛇揭發後再開業

【裝修案例】搵裝修公司 3 點正確觀念 使用配對平台事半功倍!

(本文章內容及圖片均由本專欄作者裝修佬提供,並不代表本公司立場,如有任何版權問題,請與本公司聯絡。)

刊登日期:
回上頁
按揭计算机
更多功能
楼价
HK$
按揭成数
%
按揭年期
按揭利率
%
结果
按揭金额
HK$
0
按揭期数
0
首期
HK$
0
每月还款
HK$
0