.png)
買電器想平，多數人都係去呢三度：Built-in-Pro、BBE、Yoho(友和)，因為價錢真係平，比官網、百記、豐記便宜達4成！
但在網上群組，常常都會看見「黑店聲討文」，「三大」亦無一倖免。但，Built-in-Pro又話黑、BBE又話黑、Yoho都話黑，間間都有人話黑，但又好多人話買左好多次都冇問題喎！究辦事實係點？呢篇文章就係為左解答呢個問題。.png)
延伸閱讀：【持續更新】裝修騙局層出不窮 破解騙徒5大常用手法！ 附黑店名單
喺公佈調查結果之前，必須講句，其實數據係企起三大嗰邊嘅。佢地一年接既單，數以萬計，就算9成9人滿意順利，只有1%人「出事」，都會數以百計的「苦主」，逐年累積下來，網上形式勢力是十分合理的，因此亦出現了不少「苦主大聯盟」和勸世文，只要搜尋店名加「苦主/黑店」關鍵字，就會看到：
.png)
.png)
於是，就形成了「黑店呀佢」嘅投訴處處，但大部分人又r哂頭「呀我用又冇事喎，唔理啦繼續用」嘅畫面。
你話：1%出事都好誇張啦，仲唔係黑？咁要睇你衰乜嘢嘅。HKTV Mall個電商系統冠絕東南亞，根本係香港之光，但網上咪一樣見有人投訴佢混亂、服務差。
有人質疑呢篇文係咪想幫佢地三大洗白，傻啦。洗白文章又點會收集投訴和指控發佈。唔俾人恐嚇刪文就已經執番身彩。
又有人質疑點解版主會咁清楚佢地接到咁多單，因為上市公司有好多公開數據，佢地既接單量同營業額唔係秘密。
但講多無謂，最緊要係一眾用家點睇，以下係裝修學院於2023年8月9日出嘅帖文，文末邀請廣大市民參與統計，幫襯過三大嘅，Like番滿意/中伏嘅comment。
詳情請見內文：
https://www.facebook.com/fuklopedia/posts/pfbid0VFpFmJo8e2EyPdi9bTPxowzH65mG6CpBrLwjBiWA5rVmo7uXo2Ci54vBk2PX16Tkl
而根據FB的統計，呢個帖觸及了4萬6000千人，回覆人數達329人。
數據如下：
.png)
雖然帖文觸及人數有限，但表示中伏既人都真係唔少，竟然有多達10%的人反映不滿。當中具名指控單一商戶的負評comment比例，三大亦有一定差異，可供讀者參考。當然以上數據僅於FB帖文收集，無論在sampling size還是methodology上都極為粗疏，只能視作參考。
咁知道左又可以點呢？其實，價錢同服務的確係相關嘅，在呢個中伏調查中敗陣的Built-in-Pro，亦係三大之中最平嘅，所以包括幫襯多次都冇事既作者在內，都係會仍然繼續幫襯的。
其實睇番廣大網友既負面體驗，可以分為兩類：
1. 誤解類
例如，有D人誤解商戶既然開得WhatsApp，就有責任提供優質的客服。但呢個係錯誤期望黎。千祈唔好期望佢個WhatsApp會殷勤回覆你售後問題，因為根據作者經驗，佢地基本上忙到連售前都覆D唔覆D。有問題既，就打電話「打尖」，其實唔難搵到人既。而佢地存貨亦唔會好似HKTV Mall咁先進，一部電器分開幾次送黎係好正常等等，唔駛擔心係咪件貨有問題（真係擔心咪問番間廠）。
拿，筆者冇話唔覆WhatsApp係啱係好，只係講呢個係事實。總之人地賣點係平，同埋保證係行貨正貨（睇哂所有留言，未見過有人投訴佢地既貨源有問題）。咁你既然決定要幫襯佢，就要明佢玩法，唔好因為錯誤期望而失望丫嘛。
2. 刑事類
嗱，呢個問題就嚴肅好多。起大家既留言度不乏見到「收左錢話冇貨又唔退錢」、「無貨扮有貨」等指控。如果屬實，呢個情況係刑事、係可以報海關的。因為海關有「不當接受付款」和「誤導性遺漏」呢兩條。而且，咁大間公司亦唔會唔理消委會，因此亦可尋求協助，而不一定要訴諸海關。
退一萬步，如果唔想幫襯佢地嘅，其實你有其他選擇架。區內有口碑嘅電器舖其實可以做到相近的價錢，客服仲可以好好，因為直達老闆丫嘛。但針無兩頭利，千祈唔好期望佢哋齊貨、又或者好似三大咁，有大大個網頁、透明嘅報價和產品訊息。而如果唔識區內小店，跨區買都得，但送貨就會較疏。
最後總結一下，呢篇文唔係廣告文，亦唔係勸世文。筆者仍然會繼續幫襯俾人鬧得最甘既舖頭，最多唔買D舊款電器，費事退款耗時麻煩。而如果讀者想就呢個題目提供內容，歡迎電郵至裝修學院 [email protected]，請盡量附上相關資料，版主會認真回覆和善用，希望為行業帶來進步、為大眾帶來價值，同時也為網頁帶來流量 =D
____________________________________________________________________________
(本文章內容及圖片均由本專欄作者裝修佬提供，並不代表本公司立場，亦不會負上任何責任。如有任何版權或其他內容問題，請與好師傅聯絡。)
原文網址: https://hkdecoman.com/article/56890
關於裝修佬
裝修佬網站於2015年11月上線， 致力為傳統裝修業界帶來變革，引領行業發展，令香港沒有麻煩/爛尾的裝修！根據第三方平台數據統計，裝修佬網站自上線到目前一直為全港人流量第一的裝修平台。裝修專欄每週為你提供最新裝修資訊，涵蓋裝修新聞、趣事，DIY技巧，工具及家品推介等內容；裝修電視提供多元化裝修/家居影片及媒體資訊，每週為您放送實用資訊。
裝修佬Facebook： https://www.facebook.com/hkdecoman
，因為價錢真係平，比官網、百記、豐記便宜達4成！但在網上群組，常常都會看見「黑店聲討文」，「三大」亦無一倖免。但，Built-in-Pro又話黑、BBE又話黑、Yoho都話黑，間間都有人話黑，但又好多人話買左好多次都冇問題喎！究辦事實係點？呢篇文章就係為左解答呢個問題。
', 'images/share.jpg');){kind=link}
，因為價錢真係平，比官網、百記、豐記便宜達4成！但在網上群組，常常都會看見「黑店聲討文」，「三大」亦無一倖免。但，Built-in-Pro又話黑、BBE又話黑、Yoho都話黑，間間都有人話黑，但又好多人話買左好多次都冇問題喎！究辦事實係點？呢篇文章就係為左解答呢個問題。
', 'images/share.jpg');){kind=link}